Kontinuaĵo de The Expression: Amrilato. Denove enhavas parte esperantajn voĉojn, kaj ĉi-foje kun malpli da esperantaj lecionoj. Se vi ŝatis la unuan ludon, ludu ĉi tion post tiu.

Oficiala traduko. Estas tre malmulte da teksto en ĉi tiu ĉarma ludileto.

Por Spelunky ekzistas altkvalita neoficiala Esperanto-traduko per modifaĵo, kiu estas elŝutebla ĉe https://bit.ly/spelunky-eo

Oficiala traduko. Bone tradukita strategia ludo, kun sufiĉe multe da teksto en la rakonta reĝimo. Vidu la oficialan anoncon pri "Patch 1.7.1" por legi kiel ŝanĝi la lingvon al Esperanto.

Estas oficiala traduko, sed ĝi ne estas tre bona. Estas pluraj eraroj kaj malbelaĵoj en la traduko. Sed kiel ajn, krom la menuoj kaj kelkaj klarigoj pri la ludmaniero, apenaŭ estas teksto en la ludo.

Eta esperantaĵo troveblas. Troviĝas precize tri Esperantaj vortoj en la ludo, kiam ulo erare kredas, ke via rolulo parolas tiun lingvon.

Oficiala traduko. Ŝajne proksimume 75% de la frazoj estas tradukitaj al Esperanto. La cetero restas en la angla. La traduko ja estas plejparte bona.

Oficiala traduko. Al la traduko en Esperanto mankas kelkaj frazoj (kiuj restas en la angla), sed la plimulto estas tradukita. Ne estas multe da teksto en ĉi tiu facile komprenebla ludo.

Farita kunlabore kun la Japana Esperantista Asocio. Donas lingvan enkondukon al Esperanto dum ludado, kun bazaj vortoj ktp. Japanaj voĉoj parte en Esperanto. Tekstoj en la japana, la angla, la ĉina.